Mánudagur - Brekkusprettir á Öldugötu og fötin fuku

Úff, þetta var ekki auðvelt! Hljóp upp Öldugötu, frá Lækjargötu og upp að Rafstöðvarhúsi; meira en þrjúhundruð metrar og hækkum um þrjátíu metrar. Þetta gerði ég níu sinnum og fækkaði fötum á leiðinni. Hvað ætli stúlkan sem sat við eldhúsborðið neðst við Lækinn hafi haldið; sami karlinn í endurskynsvesti, svo allir sjái hann, alltaf að hlaupa upp og niður, og svo fækkar hann fötum sem á líður. Kominn á stuttermabol - vonandi verður hann ekki ber á ofan í næstu ferð.

Jæja, fyrstu alvöru brekkusprettirnir að baki. Þá er komið viðmið fyrir næstu brekkuspretti. Þegar ég kom heim voru tvær könnur af sportvatni drukknar og gerðar teygjur eftir steypibaðið. Annars eru tölurnar þessar.  Fyrst fjöldi metra, þá tími, hlaupatakur og hraði. Svolítið rykkjótt en jafna það næst.

382    2:00     5:14 mín/km =11.46 km/t     
378    2:00     5:17 mín/km =11.34 km/t     
366    2:00     5:27 mín/km =10.98 km/t     
321    2:00     6:13 mín/km =9.63 km/t     
338    2:00     5:55 mín/km =10.14 km/t     
352    2:00     5:40 mín/km =10.56 km/t     
346    2:00     5:46 mín/km =10.38 km/t     
315    2:00     6:20 mín/km =9.45 km/t     
353    2:00     5:39 mín/km =10.59 km/t

Á morgun verður rólegt hlaup og rösklegt á miðvikudaginn. 

Athugasemdir

[haukur sáli (IP-tala skráð) 17.2.2009 kl. 09:27]

djöfullsins kraftur er í þér rummlega fertugur karlinn!

HH

[Örn elding, 17.2.2009 kl. 21:29]

Þetta er mössuð hlunkahlaup