Sunnudagur - Loksins hlaupið með vaxandi púls

Hlunkaðist út eftir kvöldmat og hljóp í fyrsta skiptið í meira en mánuð. Ekki fór ég langt; fimm kílómetrar þungur um hverfið. Þetta var hlaup með vaxandi púls, byrjaði rólega og var meðalpúlsinn þá 110 en endaði síðasta kílómetrann á 172. Hraðinn, ef einhver, var einnig vaxandi - en ekki þess virði að verða færður til bókar. Nú drekk ég malt og teygi. Nú er bara að setja sér háleit markmið!